本文重點
HotCha對終於等到第一張大碟出爐，感到興奮又緊張，而新碟分「Shall We Dance」和「Shall We Love」兩版本，三人除有獨唱歌曲外，Regen和Crystal更首次作曲。Regen稱為作曲專登待在家搵靈感，而Crystal則是行街時突然靈感到，便拿MP3將它錄低，至於Winkie笑言：「冇呀，我唔想獻醜，所以唔好啦。」而發布會上三女獲大師兄王浩信來撐場，並送上每人一條粉紅水晶手鏈，因知道三人都恨有拖拍，而唱片公司高層則送上閃爆Bling Bling波鞋。
太太低調唔出鏡
活動上EO2成員Otto擔任司儀，而本報有讀者爆料指Otto父親早前病逝，而Otto婚後依然花弗棄妻不顧，並指Otto家姐看不過眼，大鬧Otto的惡行才激病父親。問到與太太感情？Otto謂：「關係好好。（有冇計劃生BB？）有諗，但冇咁快。（有人爆你有第三者，令你家姐好嬲？）冇聽過，冇第三者，啲傳聞好奇怪！（話你家姐認你太太做妹都唔認你做細佬？）咁屋企人錫我太太都係好事喎！（多啲帶太太出嚟傳聞就不攻自破？）佢好低調，我要尊重佢。」是否得罪人不知被整蠱？Otto則言：「咁得罪人可能真係唔知啦！（你以前啲女友報復？）唔會啦。」
文：音樂組
爆料編號：IRE PORT-00021181