蔡卓妍（阿Sa）和陳偉霆（William）主持聖誕亮燈，富婆阿Sa叫朋友捐錢做善事免送禮物，而有七位數身家的William卻呼籲大家捐錢給他，上演一幕「窮William富阿Sa」相對論。
阿Sa和William前晚在時代廣場出席「幾米的快樂時代」聖誕亮燈開幕禮，著名台灣插畫家幾米創作「相約在時代」的聖誕街景，阿Sa和幾米言談甚歡，大會還為幾米補祝生日。
阿Sa聖誕要工作，她說：「未知喺香港定外地過，聖誕係最忙嘅搵錢日子。」問她點同鄭中基慶祝？阿Sa大耍太極說：「祝全港市民聖誕快樂。」身旁的William聞言偷笑，阿Sa即對他說：「唔好笑，到你。」記者轉問William點同Angelababy（Baby）慶祝？他照抄阿Sa答案，被譏冇新意，之後他才坦言去年曾與Baby及一班朋友去睇燈飾。
捐錢咪送禮
問到阿Sa想要甚麼聖誕禮物？她說：「其實我要嘅嘢可以自己買，捐錢啦，同生日一樣唔使畀錢買禮物。」至於William送甚麼給Baby？他卻說：「我唔知佢要乜，但我有好多嘢想要，我想成立陳偉霆基金，希望大家捐錢畀我，我想儲錢買樓，依家儲到七位數。」記者轉問阿Sa是否有八位數身家？她笑道：「黐線，呢啲唔會公開。」
美國學跳舞
William還笑言好驚聖誕冇工作，因為他想趁這個月賺多些錢：「我想放一個月假去美國學跳舞。」阿Sa即記者上身說：「我知下一條問乜，係咪自己一個人去？」William笑說：「我想帶埋阿Sa去。」 採訪：音樂組