容祖兒和何韻詩這對好朋友，衣着品味愈來愈相近。前晚兩人無懼寒流，不約而同穿着YSL品牌，齊齊騷胸示人，各有千秋兼「平」分秋色。
樂壇天后祖兒前晚聯同何韻詩、古巨基、黃耀明、吳雨霏、盧巧音、方大同及謝安琪等為音樂會演出。雖然天寒地凍，但祖兒和阿詩無懼寒流齊齊性感出擊。祖兒身穿灰色YSL品牌Deep V連身褲，勁騷誘人心口。好朋友阿詩亦穿上低胸背心，腳踏四吋高踭鞋，亦是同一樣品牌，兩人的服裝喜好愈見相近。
搭路搵戰衣
祖兒於今年女歌手獎項中走勢最為突出，在無綫的「最受歡迎女歌星」呼聲最高，有望第六度攞獎。對於被外界視為大熱，祖兒開心地說：「有大家支持就已經當咗攞獎！」問到有否準備慶功宴？她笑言：「返去屋企食個即食麵都好溫暖啦。」
提到預備了甚麼戰衣出席頒獎禮，祖兒即興奮地說：「真係唔講得笑，我好開心有朋友幫我搭路，係外國行過catwalk某品牌嘅2010年春裝，已經send咗我嘅三圍尺寸同唱片封面相畀當地品牌，睇下邊一套適合我着囉！」
被讚騷胸晒女人味的阿詩表示，之前演舞台劇經常穿低V衫及高衩裙，可能因此着上癮。問她可會愈穿愈低？阿詩笑言：「仲要低？咪低到落肚臍！（會唔會用缽仔糕令上圍更豐滿？）咁又冇喎，依家流行平胸，平啲型啲，我唔想太勁，一陣以為我去咗邊度整添！」
缺席頒獎禮
對於港台表示不會勉強歌手出席記招，阿詩坦言：「咁咪好囉！」她又稱今年因要到外地演出舞台劇，未必會出席頒獎禮。她謂接舞台劇時已知會撞期，不後悔選舞台劇而不去頒獎禮。另外，古巨基一直渴望與黃耀明合作，前晚終同台合唱《春光乍洩》及《歡樂今宵》令基仔終能如願。
文：音樂組