《萬千星輝賀台慶》今晚舉行，汪明荃（阿姐）、鄭裕玲、曾志偉、黎耀祥、湯盈盈昨日齊出席拜神活動，期間抽出五位藝人後補參與今晚的抽獎遊戲，當抽到最後一個名額是阿姐時，盈盈竟誤以為自己中獎，表現亢奮，及後才知「中空寶」即瘀爆全場，自言重演「關心妍攞錯獎事件」：「好瘀呀，未到嗰晚已經畀人玩。」
今晚盈盈將聯同志偉、森美、錢嘉樂、陳豪等演趣劇，她最想揀善良又不會反抗的陳豪來糟質，到時則想辦法玩志偉，她說：「佢哋話我係笠水王同黑仔王，出咗緋聞之後成日唔出聲，冇咁好玩。」
「柴九」黎耀祥人氣旺，各人均與他合照，又說睇好他成為視帝，阿姐說：「最後一個抽到，好好運，可能同咗柴九影合照，黐佢都沾埋旺氣。」
