「雙J」文詠珊（JM）及衞蘭（Janice）合拍新片《Frozen》，不時獲老闆黎明（Leon）前來探班及打氣，Leon更客串演出，令電影更見星光熠熠，可是JM表示經常連踩十二小時趕戲，故不發現Leon忽然出現，認真抵打！
「雙J」合作以來頻傳「爭寵」，更指JM用上Janice的舊車牌，前晚JM開腔回應：「我唔會再答嘞，兩架車都係公司嘅，根本冇分邊個打邊個。」她更坦言經今次合作後彼此感情更好。至於處女拍電影的Janice則坦言有點緊張，加上忙於宣傳新唱片，日前更累得病倒，她特別多謝狄龍的照顧：「我成日NG，但佢冇發脾氣又冇鬧我。（Leon有冇試過鬧你？）冇乜喎，佢知我一畀人鬧就喊，佢都知我拍戲冇乜經驗啦。」看來Janice因處女拍戲兼易哭個性，猶如有「金牌」在身，無人敢鬧！