在美國長大的樂基兒（Gaile）性格開放熱情，雖貴為天王嫂，但與黎明婚後仍不時被拍得出位行徑，包括公然「啜爆」鬍鬚男，令老公大動肝火。早前她趁Leon不在港，於派對上帶醉與謝婷婷前男友Drafus摟抱，並與「亞洲版Beyonce」劉晨芝咀嘴，全程high爆。

黎明以露宿者look客串新片，期間以金句力撐太太樂基兒「攬仔無罪」，十分大方。	Gaile昨午完成工作後往超市買餸煮飯，無懼走光危機細心挑選蔬菜，再在凍櫃取了各款肉類等火鍋配料。	放大圖片

「佢冇吟我好擔心」

昨日Gaile到apm出席i.t旗下品牌b+ab×Gaile活動時，解釋當晚表現只是跟朋友說再見，沒甚麼特別。但被問黎明有否為此不悅時，她即緊張地說：「冇，我好suprised，平時佢都會『吟』我一、兩分鐘。（點『吟』你？）佢有時會講『你睇吓影得幾醜，咁粗魯，都唔似女仔』，但今次無『吟』到，我反而好擔心。」談到有網民抨擊她推出的服飾如皮草索價八千元定價太貴，她解釋：「因為件皮草限量十件，而且用真嘅狐狸毛，係值呢個價。（唔擔心畀愛護動物組織反對？）唔知，當時冇諗得咁詳細，下次會諗仔細啲。」

埋單時懶理有顧客以手機拍照，最後由助手代拿戰利品，甜笑歸家。	放大圖片	（左起）黎明、劉浩龍、JM和衞蘭昨為新片開工。

至昨午四時許，Gaile完成工作後乘保母車返回上水寓所，途中往超市買餸煮飯，只見她在凍櫃取了牛肉、豬肉片與雲吞等火鍋配料，轉頭又挑了一包苦瓜與大量蔬菜，不停來回張羅，似要炮製愛心晚餐逗老公開心補鑊，埋單只近二百元，十分慳家。記者上前問她是否準備與Leon打邊爐？她甜笑說：「唔係，（咁今晚食咩？）食菜囉！屋企冇嘢食嘛！」並透露下月回美國，說畢便起行回家等老公。

衞詩暫無望回巢

另一邊廂，黎明昨日以露宿者造型客串電影，被問到Gaile被拍得攬仔咀女一事時，黎明誤以為是第二單，即反問：「又咀第二個？」弄清楚後，黎明便以金句力撐太太：「其實好似奧巴馬訪問中國，唔同地方成長有唔同文化，佢喺美國出世，生活方式唔同亞洲人，攬吓好正常。（大興問罪之師？）兩個人可以選擇問同唔問，冇事就唔問。大件事就有人一早話畀我知！」此外，談到「棄將」衞詩已漸漸改過，可會給對方機會，他繼續金句王上身：「如果佢職業係特工，已經暴露身份，唔可以再做特工。」明顯暫無意讓衞詩回巢。

採、攝：追蹤組、影視組