簽約施念慈(Celia)旗下正式入行的蔡瑩瑩(Ivy)，早前有份客串電影《死神傻了》時。Ivy表示每次亮相公開活動，妝容都由公司御用化妝師Pinko Cheng負責，但她自己也會隨身帶備足足有兩斤重的化妝袋，她說：「我會帶晒所有化妝品出街，方便補妝。」
皮膚細緻白滑的Ivy，認為底妝是一個靚妝的基礎，對粉底要求十分講究，她最愛以Dr.CiLabo BB Cream打底，貪其質地透薄卻有足夠的遮瑕功能，再以Sofina Primavista兩用粉定妝，她說：「好鍾意呢個粉盒嘅設計，有個蝴蝶結，感覺好Kawaii，粉嘅質地好幼，平時補妝輕輕撲少少上面已經足夠！」而以公主式包裝聞名的Jill Stuart更令Ivy着迷，她解釋：「我用呢隻紅色胭脂，包裝好似小時候用嘅爽身粉咁，好有親切感！」