鄭伊健昨日出席海港城Canon活動時，獲大會送上貼滿閃石的新相機，他以下月的演唱會ＶＩＰ門券作「回禮」，問他會否將新相機轉贈女友蒙嘉慧？伊健說：「呢部梗係自己用，人哋送嘅我點可以隨便送畀人。」他大讚品牌非常慷慨，不時送新機給他及有需要的機構。
至於平日有否為女友拍照？伊健謂：「多數去旅行影，生活相少啲。（你幫女友影嘛！）旅行囉，不過我鍾意影風景多，我哋好藝術㗎！（藝術相多數唔着喎！）冇人畀我影呀，反而我想畀人影，趁依家操得幾fit。」伊健坦言女友將撐足兩場演唱會，但不會上台合唱：「唔好嚇親大家，唔好嚇親佢。」
