蔡卓妍（阿Sa）新碟獲白金銷量，經理人霍汶希（Mani）笑言送多張機票給她，阿Sa即醒目識破：「係咪畀陷阱我？」揚言只會請好姊妹鍾欣桐（阿嬌）陪行，男友鄭中基冇份，成功避過被人將緋聞擺上枱的尷尬場面。
阿Sa昨日出席「聖誕開心夢想號」活動，獲Mani頒發白金唱片，問點獎勵阿Sa？Mani笑說：「上次《二缺一》送咗張歐洲機票畀佢，佢都未用，今次送多張畀佢。」司儀問阿Sa會同邊個去？她即醒目說：「係咪畀陷阱我？我同阿嬌去。」
想放長假
問到點解唔同鄭生去旅行？她說：「算罷啦，冇假期，上次攞咗機票都冇時間。」Mani即插嘴：「2010年一定有。」阿Sa沒好氣說：「寧願要假期仲開心，好幾年冇放長假。（係咪覺得尷尬至答阿嬌？）你就錯，阿嬌係我嘅答案。（如果阿嬌唔得閒搵邊個？）就到佢得閒為止。（你可以等埋鄭生？）得閒先至算，依家只係想像。」
示範抱抱
有愛情滋潤的阿Sa心情大靚，當fans玩聖誕抱抱遊戲時，阿Sa即說：「男仔從後攬住女仔最sweet。」並即場示範抱抱動作，事後問阿Sa最近一次被抱抱是幾時？她扮懵說：「最近好忙，啱啱喺南昌返嚟，依家好眼瞓。」
此外，對於有報道指阿Sa和光良的澳門演唱會，最初阿Sa只是嘉賓的傳聞，阿Sa莫名其妙說：「呢啲新聞好怪異，太搞笑。」
採訪：音樂組