黎明（Leon）所屬經理人公司百仕活有份投資的新戲《FROZEN》（暫名），由雙J擔正做女主角，惟開拍至今半個月，卻不停傳出兩女爭戲不和消息，是非日日新鮮。雖然焦點落在兩女身上，但本報收到消息，該戲還有一位神秘巨星參與拍攝，為兩女造勢。

據知，該位神秘巨星就是兩女的老闆黎明，日前黎明秘密開工，與愛將之一Janice大演對手戲，本報獲得一張兩人拍攝時的劇照，雖然只見到男子的背影，但一看就知是黎明，可見他不論表面或「背面」，一樣撐着兩愛將，不分彼此。消息指導演郭子健一直希望邀請黎明拍攝，但由於黎明工作排得密麻麻，故一直未敢開口，直至電影開拍前一星期，他開口提出要求，黎明為撐兩位愛將，答應跨刀助陣。

表演高難度瑜伽

此外，Janice昨日出席「香港傑出動物大獎2009」，對於有指JM獲黎明安排御用車，與她平起平坐，Janice說：「係咩，我唔知喎，不過始終買車會畀公司人用，冇所謂。（偏心？）佢不嬲都冇偏心，好錫每個artist。（之前你係一姐？）從來冇講過。（有威脅？）冇，唔好諗呢啲嘢，盞自己頭痛同唔開心，寧願努力工作。」她並表示已入紙申請明年紅館檔期開個唱，計劃表演高難度瑜伽。

文：音樂組