「七小福50周年慶典晚宴」前晚舉行，席上更有慈善拍賣活動。一眾七小福成員為晚宴絞盡腦汁，元華、元秋表演中國大戲，成龍、洪金寶等人則化上京劇妝表演，眼見眾師兄弟翻觔斗，成龍也忍不住「玩埋一份」，眾人雖然年過五十，但仍身手敏捷，絕對寶刀未老。
兄弟齊落淚
及後成龍更代表七小福成員，把一件印有師傅于占元閃石圖案及眾師兄弟簽名的黑色T-Shirt送給大師姐于素秋，于素秋對此感動非常，更說：「想起你們會想起爸爸。」眾師兄弟聞言即同樣感觸得流下淚。而晚宴上的拍賣品當中，周潤發的拍攝作品以五萬八千元成功售出。
大師姐滿意
昨日大師兄元庭率領眾師兄弟現身電影資料館，出席七小福紀念展開幕酒會，元庭透露大師姐對晚宴相當滿意，更高興得上台數次講話，已有十多年沒有與師姐見面，笑指對方保養不錯，對於洪金寶、成龍等人於晚宴上翻觔斗，他笑說：「個個都翻得，元秋仲勁過男仔，元華就最勁。」元華對於被大師兄讚卻說：「尋晚洪金寶翻就個個拍手，我翻到冇人拍，覺得我咁瘦係應該，今次見番大師姐好開心，佢仲保持到以前身材，大家一齊想當年，一陣仲會一齊食飯。」
文：影視組