雯女揚言最緊張反而係台慶當晚表演打鼓，她說：「緊張都係緊張打鼓好唔好先，依家練鼓都幾好，有姿勢有實際，不過未算完全練晒，未試過齊人練，所以都冇時間諗咁多嘢。（話你頂替阿姐率領小生打鼓？）阿姐係代替唔到嘅。（帶領小生地位顯赫？）都係《巾幗》意味啫，好聽就係帶領，唔好聽就做埋男人嘢，不過以後我都會學打鼓，可以強身健體。（係咪學嚟登台表演？）係喎，都有諗過學一樣嘢嚟表演，打鼓都幾好、夠型，配合番形象，繡花呢啲唔襯我。」

冇同無綫傾續約

此外，提到王喜、馬浚偉表示若雯女攞唔到視后，二人便不續約一事，雯女對此多謝二人「瞓身」支持，而問到雯女可有與無綫傾續約，她謂：「冇，我咁大個，唔通仲簽十年八載咩，每個藝人都有唔同處境，我適合一年拍一兩套劇，我唔同後生仔，佢哋要出碟唱歌就話要簽經理人約啫。」

雯女前晚與黃偉文密密揀衫，未知是否為台慶當晚準備「戰衣」。	港姐季軍熊穎詩表示晚晚都追睇《宮心計》，揚言睇好楊怡成為「視后」。（左起）袁嘉敏、熊穎詩、黃嘉麗	張嘉兒（左）與華姐冠軍苟芸慧將於台慶中表演跳舞。

祥仔諗定謝台詞

而祥仔就話已在諗謝台詞，他說：「呢啲每年頒獎禮都有諗，舊年諗好晒都講唔切，今年要講快啲，一分鐘講晒。」同場還有張嘉兒、苟芸慧、高鈞賢、羅天宇等。

另外，前晚鄧萃雯與女友人到中環ifc shopping，其後又到置地廣場與她的頒獎禮形象設計師黃偉文會面、行街，不過雯女購物時表現得好神秘，以免靚衫曝光。

而應屆港姐得獎佳麗熊穎詩、黃嘉麗、袁嘉敏前晚出席飯局，當中熊穎詩表示睇好祥仔做視帝，而視后睇好楊怡，揚言晚晚追睇《宮心計》。至於《富貴門》主角之一袁詠儀，對於《富》劇收視未如理想，她無奈表示下次拍劇會好好揀劇種。

文：影視組