八模兵團成員A. Lin（裴殷）、DaDa（盧頌之）、Anjaylia（陳嘉寶）和Evelyn等，昨日為時裝品牌「2%」旗艦店行騷，由於當地氣溫驟降只有九度，八模憑青春活力讓現場「升溫」，吸引過百名市民圍觀，當中A. Lin獲大會安排打頭陣，她穿上皮褸短褲示人，十分搶鏡，但原來性感背後，亦付上代價，她說：「本身自己都好怕凍，頭先出場前飲定熱水暖身，個人先至冇咁震。」

誤會Baby有份

面對台模襲港，八模亦作過江龍北上搵銀，記者更發現商場宣傳此活動時以Angelababy作為主題相，當八模行騷時，不少內地傳媒誤以為Baby有份參與，逐個「對樣」認人，更一度將出道時被指似Baby的Annie G.認錯。而現場所見，以A. Lin和Anjaylia最受歡迎。

完騷後，A.Lin自爆前晚與同房的DaDa玩通宵：「我第一次到上海，加上同DaDa係好朋友，難得同佢一間房都唔捨得瞓，（玩乜？）都係傾下啲女仔經，佢咩都會講。」至於一向老友的Anjaylia和Evelyn，亦同一間房，Anjaylia表示本身怕黑，整晚開燈瞓。

完騷時各人與時裝店老闆（右四）來個大合照。

前晚試身時，八模爭與靚仔志偉（中）合照。

想睇男模換衫

前晚，八模與另外三位男模在時裝店試身，眾女均大讚貌似「㗎仔」的志偉靚仔，主動邀他合照。由於當時時裝店打烊，八模不介意在同一試身室換衫，男模更在時裝店內除剩內褲換衫，A. Lin笑說：「反而好想出去睇下啲男仔！（你哋一齊換衫有冇尷尬？）冇，平時做嘢都睇慣晒大家身材。」當志偉聽到眾女想偷望自己，他笑言：「可能某一度特別大，我係話自己個肚腩。」