私交甚篤的容祖兒與陳奕迅（Eason）前晚齊齊為音樂會綵排，曾夥拍多位男歌手開騷的祖兒更自稱是「集郵女星」：「終於集到陳奕迅，好開心！」Eason坦言兩人私底下幾熟，但未曾與對方開音樂會：「同我拍得嗰啲都有番咁上下，如果唔係好寂寞，同佢就唔會寂寞。」大讚祖兒唱功了得！

Eason以摔角手身形示範舞蹈。

兩人私下老友鬼鬼。

肌肉如撕裂

兩人預告將合演火辣場面，Eason大方擺緋聞上枱自嘲：「唔知今次有冇人傳我哋呢？」祖兒直指密集式排練，令她感肌肉撕裂：「我哋本身已經係活死人㗎啦，不過佢應該仲攰，因為要被我夾住再fing嚟fing去，你知啦，我體重有番咁上下。」Eason即笑指祖兒「太長」令他感吃力，卻被她反指腿長才能夾得住他：「佢個人粗啊！」他自爆排舞時身後經常傳出陣陣嘲笑聲：「我知我係摔角手嘅身形，惟有當啲嘲笑聲係支持同歡呼囉。」

忙於綵排的二人感相當疲倦，Eason謂：「簡直攰到精盡人亡！（被祖兒搞到精盡人亡？）我意思係我精力耗盡，令我所有嘢都忘記晒啊！佢點會搞到我精盡人亡啊？」

此外，祖兒今日將與歌神許冠傑為香港賽馬會125周年活動擔任壓軸嘉賓，屆時更有煙火匯演。

文：音樂組