擁有天使面孔加魔鬼身材的模界新貴Jessica C.最近火速走紅，但其胸部猶如變幻球一樣，本報記者日前在HINcity.com網站找到她的一些舊照以及自我介紹的profile，當時只有十七歲的她樣子甜美，可是胸部平平無奇。而另一批攬貓相中同樣未見她有逼爆身材，很難想像她能在短短數年間變出令人噴血的34C豐滿上圍，不禁令人懷疑其胸部有僭建之嫌。
不在乎傳聞
前日Jessica C.為she.com拍攝聖誕特輯時，被問到最近有報道指她隆胸，她不在乎地說：「人哋鍾意寫乜就寫乜。（咁你身材點解會有咁突然嘅轉變？）因為以前自己仲細個，但隨住自己長大，就健身 keep fit。（係咪飲好多奶？）係呀。」
甜蜜講男友
但當記者直接問她可有隆胸？她靜默了數秒才以肯定的語氣說：「係天然㗎。（係咪你媽咪遺傳畀你？）我諗唔係喇，我媽咪係亞洲人，而爹哋就係美國人，我應該係遺傳自爹哋嗰邊，因為我啲姑媽姑姐個個都好大胸。」
提到她拍拖兩年的男友Sergio時，Jessica一臉甜蜜說：「我哋係喺新加坡工作時認識，我第一次見佢就覺得佢好cute，我仲主動走埋去同佢傾偈。」
文：名人組