鄭少秋為下星期六（21日）的澳門演唱會造勢，預告屆時有靚女伴舞：「冇靚女有我出現做乜呀？（辣身舞？）有，辣到你哋都覺得好辣。湯寶如任嘉賓。」對於無綫視帝視后之爭，秋官大讚頂頭大熱的鄧萃雯及黎耀祥：「佢哋好用心演，應該畀個鼓勵同認同，我有同雯女通電話，柴九都好好，同佢做《楚漢驕雄》畀佢搶晒我啲戲！」秋官自爆太太及女兒亦是《宮心計》粉絲。而欣宜在《72家租客》演上海婆，秋官指欣宜冇當年肥姐咁肥。