趙碩之昨日到電台接受訪問，下周三（18日）22歲生日的她，昨晚相約到友人家食大閘蟹預祝，但直言感到不快：「唔知係唔係生日周，所以最近有雜誌跟我，經理人縮沙唔去，兩個師妹又唔去。」趙碩之愈講愈嬲，更暗寸經理人及他緋聞女友戴夢夢：「可能佢女友係巨星啦，我惟有召集自己啲朋友。」對於師妹尹蓁晞表示要言好兼約她同遊日本，趙碩之說：「我等緊佢電話，不過要睇吓有冇時間先，有啲嘢唔使吓吓講出口。（原諒咗佢？）其實大家都冇錯，我就學識講嘢唔好咁爆。」