本文重點
傅穎（Theresa）昨日着上日本傳統和服出席扭蛋活動，吸引不少途人狂影相，她在工作人員陪同下試玩巨型扭蛋機時，竟然不慎整壞機，場面尷尬，Theresa即時賣口乖大讚現場布置跟剛剛的日本之旅感覺相似，問到是否正是跟緋聞男友敖犬「同遊」的那一次？Theresa笑言：「我好多時都會自己一個去日本旅行，我唔想再講呢一個，因為呢個只係電影宣傳手法，我冇辦法再延伸落去。」她表示雖然離開金牌大風，但會盡量配合宣傳工作，就算跟對方同場都不會感到尷尬。
無懼聚頭
提到有傳鄧麗欣（Stephy）為避免跟Theresa同場而缺席今日舉行的頒獎禮記招，Theresa回應時一直未有指名道姓，但就邊講邊默認「死敵」正是昔日好友Stephy，她說：「我冇去了解呢件事，唔清楚，不過我有首歌上榜，所以我會去，（你死敵避你喎？）呢個係樂壇盛事，唔會因為一個人去而缺席，（佢好小家？）我相信佢唔會咁做。」雖然Theresa答得頭頭是道，但當記者冷不防反問到底誰是死敵，她即時尷尬狂笑，又指現場氣溫好熱，令她不停冒汗。
採訪：音樂組