模特兒公司STYLE早在三月時開始籌備拍攝月曆，經理人Kim從世界各地搜羅性感比堅尼，八月時安排旗下十六名女模，出海拍攝性感玉照，十六女模齊集船上，惹來附近船隻圍觀，更有船隻徘徊而翻起海浪，令船上的人差點跌倒。當中Lynn狀態大勇，身材呼之欲出，她說因近幾年工作忙，很少機會出海，她說：「因為我啲朋友都唔肯同我出海，就算去海灘都唔肯，佢哋唔想被人影到泳照。」

Baby第一時間跳落海暢泳。	熊黛林愛情得意，勁騷身材。	姚予晴在船上搔首弄姿。

Baby對出海極為興奮，最搞笑是她為求趕快玩水，密謀扮墮海，但被工作人員識穿，派專人包圍她補妝，讓她不能得逞，但她在船上亦玩得不亦樂乎，動作多多，最後她等拍攝完畢才落水暢泳一番。

楊汀叮（左）與Sarah三點式各有美態。

戴小奕怕刺眼陽光。

否認爭戲

現正身在橫店拍攝《花田囍事2010》的Lynn和Baby，有傳兩人為爭戲而傳不和，Kim代為澄清：「絕對無可能，佢哋好老友，Lynn同我講好在有Baby喺度，兩人一齊就笑聲不絕。（Baby係咪無乜戲份？）當然唔係，到時大家就知。（Lynn被人影到抽煙？）我鬧咗佢啦，其實唔係太大煙癮，喺香港有時一日都唔食一支，可能拍戲等埋位時悶先食，我叫佢以後喺室內食，唔好喺戶外食畀人影到唔靚，有建議佢戒煙。」

月曆行善

名模姚予晴（前名姚書軼）則沒有下水，一來不懂水性，二來擔心游泳時泳衣會滑落。而模特兒楊汀叮首次穿泳衣拍照，對身材沒有信心，自認是「小籠包」的她，大讚Lynn的身材是眾女之冠。是次拍攝得到周大福旗下的CTF2贊助，月曆將會作限量發售，所得收益將撥捐香港血癌基金作慈善用途。此外，Baby更上載了她登上日本潮流雜誌的封面照。

文：名人組