電影《錦衣衛》演員甄子丹、吳尊及徐子珊聯同導演李仁港出席記者會，同場還有來自新加坡的《畫皮》男演員戚玉武。女主角之一的趙薇因病未有來港，現場唯一的女演員子珊立即成為焦點，真空上陣的她穿上性感谷胸露背裝到場，引來記者狂影，吳尊及甄子丹見狀即擺出同樣姿勢搶鏡，甄子丹拉高上衣時更露出底褲邊，場面搞笑。

甄子丹扮子珊露背卻不慎露底，十分搞笑。	吳尊（左）獲甄子丹讚「身形好fit」，令他高興不已。	甄子丹、吳尊、徐子珊和新加坡演員戚玉武（右），聯同導演李仁港（左三）為新片宣傳。

擺烏龍打錯人

戲中子珊亦有一場脫衣色誘甄子丹的戲，不過拍攝時對方並不在場。甄子丹笑說：「因為過咗去拍《十月圍城》，都唔知係咪導演特登咁安排。不過我冇除衫，可能導演怕徐子珊自卑，因為我（上圍）仲大過佢。」甄子丹又踢爆子珊拍動作戲時經常擺烏龍，曾多次誤打旁邊的演員。

吳尊否認單飛

雖然對子珊彈多過讚，但甄子丹卻對吳尊讚不絕口：「佢有舞蹈底子，身形好fit又好大力，有次叫佢出拳打我，佢直頭想攞我命咁。」他又指吳尊性格害羞，初次見面時對方臉紅紅地埋身要求合照。吳尊則表示與甄子丹合作感壓力大，不過仍感謝對方教路。問到有關他離開飛輪海自組公司的傳聞，吳尊即否認謂：「沒有，我與公司還有合約。」

文：影視組