昨晚黎明、甄子丹、范冰冰、監製陳可辛及導演陳德森等《十月圍城》組合，齊齊出席《聖誕心花放@海港城—聖誕亮燈儀式》擔任特別嘉賓，以夢幻水晶球，燃亮璀璨的聖誕燈飾。

樂基兒	《十月圍城》劇組為聖誕主持亮燈儀式。	范冰冰以一身Valentino晚裝出現，沒有男友的她坦言今年男伴是黎明和甄子丹。

唔答行貨對白

聖誕將至，黎明坦言完成電影宣傳後，會去美國開演唱會，至於愛妻樂基兒會否同往？他說：「佢好似另外有嘢做，好似會返去探屋企人，地方唔同，仲有時間，到時先決定。」似是預告兩人同在美國過聖誕。問到買甚麼禮物送給老婆時，黎明說：「唔諗呢啲住，我唔會答啲行貨對白，費事諗。（樂基兒係咪全面停工？）我哋唔同公司，我都唔清楚，你哋問番佢啦。」

冰冰尋好男人

同場的范冰冰表示第一次來香港亮燈，覺得很幸運和開心：「以前也曾在香港過聖誕，但都是要工作，而且我香港的朋友不是有太太便有女朋友，沒有機會一起慶祝。」冰冰笑言要找到好似甄子丹那樣的好男人機會不多，她說：「女孩心中除了愛情都會有工作，愛情的事在心中，只是你們以為沒有。」甄子丹則表示聖誕要開工，故想好以禮物氹太太開心。

此外，樂基兒早前以女僕裝慶祝萬聖節，被指肚凸凸，問到是否懷孕，其經理人公司表示：「邊個着件衫都凸，咁窄。（係咪大肚？）佢冇同我講，停工前仲有四、五個工作，跟住會返美國冬眠，一月中先返香港。」

文：影視組