無綫昨派出佘詩曼、鄭嘉穎、陳豪、林峯、鍾嘉欣、廖碧兒等「親生仔女」接待千一名廣告客戶，晚會以嘉年華形式進行，並安排一眾藝員行紅地氈。未知是否行「縮皮政策」，往年藝員乘坐名車到場，但今年則要坐廿四座小巴。

鍾嘉欣雖非十分性感，但露膊晒腿仍十分吸引。	雯女於大合照中冇影，佘詩曼（左三）則站在鄭裕玲身旁顯地位。	曾志偉口快快講錯「影帝影后」，其實應該是視帝視后。

佘詩曼企中間

排位方面，除鄭裕玲及汪明荃企正中間外，兩旁則是阿佘、鍾嘉欣等花旦，另一邊是李司棋、薛家燕、關菊英等前輩。男藝員方面，陳豪、鄭嘉穎及郭晉安位置最佳。晚會完結時，無綫安排男女藝員拖手謝幕，其中「佘穎」、林峯、鍾嘉欣被編成雙成對，陳豪則未有拖廖碧兒，只拖鄭裕玲。

陳豪每年均被女客戶包圍。

林峯與廖碧兒盛裝出席。

雖然在藝員大合照中雯女未有出現，但在播放明年製作節目的片段安排，雯女卻佔重要分量，其有份演出的《巾幗梟雄之義海豪情》安排壓軸放映。播完後，「柴九」黎耀祥拖着「四奶奶」雯女出場，並大賣口乖叫客戶落廣告。兩人出場時，志偉更說：「嘩！影帝、影后咁喎！」似是預演頒獎禮的場面。

柴九男女通殺

此外，「視帝」大熱黎耀祥甚受廣告客戶歡迎，他謙稱全靠劇集及角色帶挈，對於「冧」他的都是師奶fans，祥仔即說老少甚至男人都喜歡他。問他可覺廣告客熱情？祥仔說：「香港嘅fans普遍都有禮貌。」

「柴九」雖受歡迎，但陳豪一如往年成為最受歡迎藝員。記者笑陳豪被一眾女客戶包圍，他笑言：「我自己都後宮佳麗三千，對慣啲女人，向來有女人緣，侍婢都五十幾個啦。（唔怕女友呷醋？）唔知你哋講乜。」對於自己比「柴九」更受歡迎，陳豪謂祥仔無論人氣、演技都夠攞獎。

文：影視組