JJ、EO2成員Eddie及新人趙彤昨日盛裝出席好友區俊濤母親開設的時裝店開幕，太子爺區俊濤一早到場招呼賓客，JJ則穿上大會品牌低胸連身裙出現，吸引不少龍友及圍觀者拍照。

肥了一個碼的JJ被問到是否有愛情滋潤，所以心廣體胖？她甜笑說：「唔係嘅，近排係開心同放鬆咗。」

婉拒圈中新丁

問到是否有追求者？JJ囂張的說：「一向都有啦，依家考慮當中。（發展中？）大家試吓夾唔夾。（係圈中人？）一個係日籍攝影師，一個係男新人。（合作過嘅？）係，拍過廣告，死啦，唔好再講。」蜜運中的JJ難掩喜悅，大講風涼話說：「唔知點解，太多桃花，消化唔到。」

揀日籍攝影師

JJ更自爆與日籍攝影師發展中，她說：「初時都擔心溝通問題，好彩佢英文幾叻，我畀佢三個靚，佢好似翻版竹野內豐。」

區俊濤透露有意搞牛仔褲生意，不過遭母親阻止，他說：「佢話搞好呢間舖先。（點解唔見哥哥撐場？）佢仲坐緊監，都知申請唔到出嚟，所以今日見唔到佢冇唔開心。」

文：音樂組