阿Sa、高海寧、李曼筠（Maggie）及梁政珏昨日為電影《美麗密令》開工，一身格仔衫、紮馬尾到場的阿Sa造型平凡，被同場火辣低胸的梁政珏搶盡「峰」頭，豐滿身材的她，一個俯身着外套及除外套的動作，出現倒奶的震撼場面，難怪導演安排了一場讓她搶盡風頭，被數十記者包圍的場面。

多謝緋聞助宣傳

梁政珏表示戲內飾演一名毒辣的女人，笑說：「呢啲角色hit嘛，不過拍嘅時候都有啲擔心，驚觀眾將我定型。」至於早前被拍得與澳門特首何厚鏵姪兒何敬謙沙灘曬太陽而傳緋聞，她說：「我好多謝對方，估唔到借佢個名可以上到頭版，但嗰日只係一班朋友打邊爐，唔想講咁多，好似借人個名宣傳好冇禮貌。」至於被袁彌明在節目批評造新聞，她說：「呢個係佢嘅作風，我入行兩、三年，畀人影過三次相傳緋聞，但全部都唔係真。」

阿Sa不用靠身材搶鏡，樂得輕鬆逗BB玩。	高海寧與BB隔窗玩到頭都側埋。	李曼筠透露稍後要拍泳裝戲。

高海寧興奮側頭

不用騷身材搶鏡的阿Sa則樂得清閒，手上拿了一大包糖果，周圍請人食，她和高海寧發現酒店落地玻璃窗外有人手抱BB，立即母性大發，不停隔窗逗BB玩，高海寧更玩到興奮得側晒頭，至於Maggie大爆自己在戲中亦有泳衣和睡衣look。

文：影視組