婚後的李嘉欣工作不斷，坦言老公相當「旺妻」，又大賣口乖讚老爺思想開通，支持她努力工作。但問到有否計劃生小朋友時，她就指結婚誓詞中只有每日生活愉快，沒有包括要有下一代。
前晚嘉欣出席品牌Ed Hardy活動，同場還有鄭融、周柏豪、董敏莉、李曼筠以及一眾性感模特兒。嘉欣坐着三座位電單車到場相當威風，吸引大批途人圍觀。沒有佩戴頭盔的她表示，坐電單車的短短路程已被強風吹至披頭散髮。
講唔出「我老公」
對於張栢芝與郭可盈相繼懷孕，問嘉欣有否計劃生小朋友時，她稱沒有刻意計劃，現在生活相當愉快，若然懷孕當然開心，沒有亦不會不開心。她說：「冇所謂，其實好好笑，我仲講唔出『我老公』三個字。我覺得佢都唔係咁鍾意小朋友。同埋結婚誓詞包括要每日生活開心，但冇包話有下一代。」
問到老爺許世勳與奶奶有否催生時，嘉欣說：「佢哋有孫有男有女，唔會等我李嘉欣啦！我係喺冇壓力嘅狀態。」她又大讚老爺思想開通，想法後生：「佢（許世勳）同我講工作永遠第一，冇工作先家庭第一，佢好尊重我嘅工作，覺得自己好幸運。」嘉欣自言婚後工作特別多，經常外出拍攝廣告，笑指老公許晉亨非常「旺妻」。
駕電單車怕毀容
嘉欣透露曾學駕電單車，並懂得「打8字」，後因工作關係中斷而沒有去考牌。她說：「依家唔會再學，睇新聞好多意外令女仔半邊身損晒，要做好多手術，原來型要付出好大代價。呢個年紀唔好嘞，拍戲都坐過車尾，要懶靚咁半邊身坐，又唔係瘦喎！個男主角都唔知真定假有車牌。」
文：影視組