06/11/2009

播放本新聞相關短片

吳綺珊演女警順便減肥

曾在「大咕窿」任hot girl的吳綺珊(Athena),最近忙於拍新劇《刑警》,有機會跟好戲之人黃日華和苗僑偉一起演出,她興奮地說:「我第一次做女警,編埋同華哥、三哥一組,華哥真係好犀利,唔使睇劇本就可以背晒兩頁紙,有次我好奇問佢,佢話其實係訓練番嚟。」

仍是新人的Athena雖然沒有很多對白,但認為每個角色都要認真對待,她說:「我係訓練班出身,依家未有好重戲份,但都要交足功課。」現在每天開工都要穿着女警的制服,Athena笑言有助減肥:「每日要孭住胡椒噴霧、對講機、雜物袋、警棍、槍、電筒等道具,雖然係假,但都好重,仲要成日巡更,唔瘦都好難。」