新進男子組合4anda（son）成員Kison，早前參加「成龍盃大專籃球賽」決賽，他以理工大學學生身份，與香港中文大學籃球隊一決高下，結果Kison在賽事中攻入9分，協助球隊勇奪賽事冠軍，成功蟬聯，完成四連霸大業。賽後Kison難掩興奮又激動心情，高舉冠軍獎盃，他說：「我仲有半個學期就畢業，今次贏咗冠軍，畫上完美句號，今次勝出，成個球隊都有功勞。球證鳴笛嗰刻，我真係有啲感動，因為今年係我最後一年參加呢個比賽。」
Kison坦言比賽期間，承受無比壓力，他解釋：「fans做咗個金牌送畀我，加上好兄弟Manson同Hanson帶埋香檳嚟打氣，而且開學時我少咗練波，擔心自己狀態，所以好大壓力，好在教練都有錄用我。」問到賽後如何慶祝？他說：「同球隊隊友及4anda（son）隊員食飯慶祝。」由於中期考試快到，Kison完成比賽後，暫時要專注學業。