黃長興於法國長大，日前他趁着假期返法國探望好友外，更去了希臘旅行，對此行讚不絕口：「平時返法國只係去巴黎，揸車周圍去，都覺得有啲悶悶哋，依家啲機票平咗，由法國搭飛機去希臘，只係三個鐘機程，所以約埋幾個由細玩到大嘅朋友去希臘，之前都未去過，嗰度天氣、治安都非常之好，食物又好食，女仔又好靚，每日都好充實，一起身就揸住架車出發，然後去曬太陽同出海。」
長興又去了一個名叫Mykonos的島，那兒出名多同性戀者，問他有否試過被同性戀者追求，他坦言：「喺美國讀書時試過，有次落大雨喺巴士站等車，有個黑人話車埋我，佢好大隻，係空中少爺，仲問我攞電話，之後約我出嚟，點知係去『基吧』，我惟有坦白同佢講我鍾意女仔，之後就冇聯絡。」