城城與「雙林」的三角關係終於畫上句號，城城直指跟Mango是極少聯絡的普通朋友，而Lynn就升呢為「好好朋友」，多月來被「城」所困的Lynn終於守得雲開。昨晚七時Lynn從橫店拍完電影返港，戴上漁夫帽及墨鏡的Lynn由助手陪同步出機場。對於城城否認Mango是緋聞女友，一臉倦容的Lynn難掩勝利口脗說：「呢啲係佢自己嘅事，咁講清楚咪好囉！」

城城捐出自己造型的figure作慈善用途。

城城出席「泰國北部親善探訪」記者會。

問她可會與城城補祝生日？Lynn就表示：「總之我送咗禮物咪得囉！（唔開心咩？）冇乜感覺，我好攰，畀我抖吓啦，過兩日見大家再講。」

做慈善活動好忙

城城昨日出席「泰國北部親善探訪記者會」，更捐出《舞林正傳》演唱會的騎士造型figure於unicef（聯合國兒童基金會）網上進行拍賣籌款。當得知有人出價400美元時，城城即笑言：「最好有7000美金啦！」問他會否叫Lynn競投？城城即鬼馬地眼仔碌碌，笑而不答。

記者笑指城城只顧工作生活苦悶，他就謂：「我好忙㗎，又要做慈善活動呢，所以我會呼籲身邊嘅朋友支持。（『好好朋友』？）沈嘉偉囉，佢好主動聯絡我，問我慈善賽車係咪要籌一百萬，唔夠由佢包底喎。」　　　　　　文：音樂組