徐淑敏（Suki）與陸詩韻昨日齊齊出席眼鏡品牌活動，懷有四個月身孕的Suki，貪靚穿上高踭boot現身。雖然她之前曾表示會「停工」安胎，不過由於在家太悶，Suki決定接job接多兩、三個月，順道幫補家計：「賺番啲尿片同奶粉錢，未婚夫搞婚禮都搞咗七位數，唔想全部佢負責。」Suki又透露還未肯定BB性別：「BB成日翹腳唔肯伸直，所以照唔到，醫生話七成係女，我同老公都想生女先。」
至於同場的陸詩韻，則坦言有結婚及生小孩衝動，問她是否因之前經歷過感情挫折所以特別有衝動時，她即笑指唔關事：「人大咗總想組織家庭， 唔排除遇到啱嘅會閃電結婚。」
