藝人拍廣告一向是賺錢指標，昨日陳豪、阿Sa及黎耀祥齊齊成為今年人氣廣告明星，陳豪獲「最強人氣廣告天皇」，黎耀祥獲「最強人氣急升廣告王」，至於阿Sa則連續第二年成為「最強人氣廣告天后」。

左起：陳豪、阿Sa及黎耀祥齊齊獲獎。	黎耀祥恨同鄧萃雯齊捧獎，為「柴九」及「四奶奶」譜出完美結局。	何傲兒悉心打扮出席頒獎禮。

阿Sa表示今年有不少新廣告商接洽，路線也漸趨成熟，問她一個人發展收入會否更多？她說：「都唔係，以前兩個人變相價錢高啲，一個人價錢冇咁多，但又唔使分兩份，所以都差唔多。」阿Sa直言希望能盡快和阿嬌一起拍廣告，更透露有內地首飾及服裝邀請，能否成事要看公司安排。

陳豪當祥仔偶像

同場兩位視帝熱門人馬陳豪和黎耀祥倍受矚目，陳豪直言今年「柴九」氣勢好強，有實力又得民心，自己會全力撐他，更說：「佢係我偶像好多年，最大心願希望可以同祥仔一齊合作拍劇。」被捧為大熱的黎耀祥則謙稱：「大熱都會倒灶，呢個世界好難講，未到最後一秒都唔知。獎項唔係好重要，最重要老闆同觀眾滿意我就好開心。」他又坦言能和鄧萃雯齊捧獎就算是完美結局。

文：影視組