出道時曾被盛傳同性戀的Wylie，在彭發新片《關人7事》中，與鄭融及陳偉霆大搞三角關係。Wylie前晚與江若琳（Elanne）、陳楚喬等出席新片首映禮時，特意作中性打扮配合角色，接受訪問時她更自爆表示：「讀書時同性追求比較多，鍾意我嘅通常都係Tom Boy Girls，入咗行後知道自己多咗影迷係Tom Boys添囉。」

《關人7事》一班演員，悉心打扮為新片宣傳。	陳楚喬低胸上陣，大搶風頭。	江若琳公開承認周柏豪是「男朋友」，更大方十指緊扣。

奇招示愛愈黐愈埋

求學期間Wylie經常參加運動比賽，所以甚得同性追求者歡心，更有人向她示愛時出奇招：「佢逼我埋啲locker度，愈黐愈埋。（想咀你？）唔知，或者想『互動吓』囉。」由於與同性接觸比較多，Wylie不諱言曾對異性的追求者膽怯及卻步。

同場出現的Ling與周柏豪台上被司儀要求拖手及合照，明將二人緋聞擺上枱，起初Elanne大感靦覥，及後亦作小鳥依人狀靠近周柏豪，事後她表示：「之前佢缺席咗幾次宣傳活動，今晚終於搵番個『男朋友』，所以一啲都唔尷尬，大家咁有默契，好想再同佢合作拍戲添。」

江若琳遭怪客跟蹤

Elanne一身超短裙現身，問到她可試過遭裙底偷拍時，她即謂：「試過有男人揸住部DV機一直跟住我，我驚到走去超級市場度匿埋，然後打畀媽咪叫佢落嚟救我。」換了形象指導後，Elanne自言省回不少置裝費：「不過佢睇過我買嘅新衫，竟然叫我全部掉晒去，因為唔啱我着，我不知幾心痛！」

文：影視組