金牌大風和Talent Bang共同擁有Theresa的經理人合約，如今兩間公司聯手告Theresa，皆因當日Theresa主動提出解約時，金牌CEO陳輝虹曾公開表示無條件放生她，Theresa即發律師信給金牌表示同意解約並火速加盟星皓，此一做法卻辣㷫金牌，認為Theresa未完成解約手續等同重婚。
對於今次入稟告Theresa，Talent Bang副總裁Tony表示：「之前畀咗律師信Theresa，佢畀我哋嘅回應等於冇回應，所以決定入稟告佢違約。（係咪對簿公堂？）未必，到時睇情形。（要求賠償金額接近七位數？）真係唔知，亦唔方便公開。（會唔會阻止Theresa以星皓藝人身份接job？）交畀律師處理。」而金牌CEO陳輝虹表示已進入法律程序，不願置評。