周一經已抵港的韓國女星尹恩惠，昨日穿上短褸短裙配上長靴，以一身型女打扮，跟古天樂（古仔）齊擔任剪綵嘉賓。不過兩人在活動上零交流，連說話也欠奉。
尹恩惠主演的韓劇《宮》大受歡迎，惟她是次來港，卻欠fans接機，她昨日解釋原來基於保安理由沒公布行程，亦不介意沒fans接機。昨日所見，有幾名fans前往為伊人撐場，確為她爭回不少面子。曾多次來港的她，大讚香港是購物天堂，難怪她前日甫下機便急不及待前往購物。
性格最重要
尹恩惠與古仔昨日乃首次見面，問伊人對古仔的印象時，她說：「可以同佢合作好開心，希望下次見面大家會有多啲時間認識。我知佢好出名，真人仲比上鏡靚仔！人品好，又有禮貌，（係咪你鍾意嘅類型？）雖然係好靚仔，但揀男友我會睇性格多啲。」
無時間拍拖
至於古仔雖然同樣讚尹恩惠真人幾靚女，但也否認對方是他杯茶：「擇女友在於相處嘅感覺，最緊要相處開心，不過都好少會見到一個外形好完美嘅女仔，（接唔接受異地戀？）我好信緣分，亦唔介意發展異地戀，但現階段有緣分都無時間拍拖，因為拍戲好忙，呢幾日天氣又凍，仲要喺一個空曠地方拍外景，畀冷風吹到我暈陀陀。」 文：名人組