現代男女經常互相指摘，女士嫌男士不夠上進、「宅男」；男人又愛話女人有「公主病」。不過家境富裕，最有資格做「公主」的莊思敏（Jacqueline）肯搏肯做，大小job都有求必應，她說：「可能我太鍾意做嘢，而且做模特兒係我夢寐以求嘅工作！我細細個就唔想畀人知道屋企有錢，我都係讀local school，身邊嘅同學都係嚟自普通家庭，如果好show off屋企有錢反而會好奇怪，可能咁就養成依家咁嘅性格。」

雖然含住金鎖匙出世，但莊思敏搵錢依然愛親力親為。	吳浩康：佢係好獨立同勤力嘅女仔，意志仲好堅強，作為佢另一半我都唔使點照顧佢，不過唯一要改善嘅地方，就係表達能力，好多時會令人有所誤會。	A.Lin：Jacqueline好獨立，我有時衫同手袋都要助手拎，但就從來冇見過佢叫人拎嘢！佢好識照顧自己，亦勇於講自己感受，一啲都唔覺有公主病！

最怕挑剔女

Jacqueline又表示很怕接觸麻煩的女仔：「最怕啲要人估佢心諗咩同埋挑剔嘅女仔，我比較鍾意同直接爽朗嘅女仔做朋友！」話雖如此，對於親密的另一半吳浩康，莊思敏有時亦會「公主」一下，Jacqueline稱：「阿Deep（吳浩康）有時都會問我『點解你對啲朋友就咁有耐性，對我就唔同囉』……哈哈！」

辛苦唔敢講

雖然家境富裕，但身為模特兒的莊思敏仍努力工作，不時面對各式各樣的是是非非，她說：「其實屋企人都成日叫我辛苦就唔好做，所以就算幾辛苦，我都要喺佢面前扮輕鬆，如果唔係佢就會叫我返屋企幫手㗎喇!」

文：專案組 攝：沈健程