梁梓悠（晴晴）早前公開指無綫監製錢國偉（Wilson）逼陪飯局，卻被Wilson反指她偷懶才被飛，連一班美味天使亦狂插唔撐。腹背受敵的晴晴前日被無綫兩位高層樂易玲和何麗全召見問話，下午約四時許，晴晴由經理人Andrew陪同下乘保母車返回將軍澳電視廣播城，被「照肺」足足兩粒鐘，至傍晚六時多才離開。

鬧就企定

事後晴晴承認被人「話兩句」，但不擔心遭無綫雪藏：「唔驚，經理人幫我解釋，我都係企喺出面，大人講嘢，自己係細路仔唔方便插嘴。（係咪畀人鬧？）其實係誤會，係記者誇張咗，經理人都有幫我解釋番。」晴晴直言以後定會謹言慎行，她說：「楊天命師傅幫我改名，都係希望我三思而行，但我都擔心自己嘅性格難改。」

期待合作

而經理人Andrew亦希望無綫會體諒，他說：「都有話幾句啦，我哋以後會好好教個女，多謝樂小姐同何生咁大量，其實我同Wilson都識咗好多年，有同佢通過電話解釋番件事。（同無綫仲有冇合作機會？）肯定有，我哋都好期待。」

文：專案組