郭富城、熊黛林（Lynn）及王秀琳（Mango）的三角關係成為近期熱話，昨日城城開腔穩定「熊」心，直指Mango表錯情兼「諗多咗」。曾多次明窒Lynn的Mango最終搶城失敗，(火羅)爆！
一對緋聞男女城城與舒淇昨日擔任「溥儀1881」眼鏡旗艦店開幕嘉賓，二人不避嫌當眾談笑風生，一臉風騷的城城又激讚對方的小雲造型令人耳目一新。碰巧二人今年同時失落金馬影帝后的提名，城城大方表示會為舒淇送上安慰。
回短訊係禮貌
舒淇笑言有意與城城夾緋聞，對此城城即有感而發，表示普通朋友也會被寫成緋聞女友。問到會否着其「普通女性朋友」少說話？城城就暗寸Mango謂：「對方有好多想法我控制唔到，總之我生日嗰日，喺香港出嚟食飯嗰啲全部係我好朋友，普通朋友又唔太熟，搵唔到我嗰啲，就傳短訊祝我生日快樂。咁我禮貌上都逐一回覆，但呢樣嘢變成是非，就小題大做囉！」城城又斷然否認Mango是其緋聞女友，更直言對方「諗多咗」！
收到好友禮物
不過一提到「正印」女友Lynn，城城則冧爆甜笑，透露收到不在港的好友送上生日禮物。問對方是否早前到杭州工作的Lynn？城城鬼馬地表示：「唔知呢！（頭先番說話係向Lynn派定心丸？）使咩啫！同Lynn係好朋友，好多嘢唔需要解釋。」對於城城一番言論，Lynn的經理人Kim叫記者問回Lynn本人，至於被城城指「諗多咗」的Mango則以工作為由匆匆掛線。
文：影視組 攝：鄭家俊