本文重點
吳雨霏（Kary）推出的新碟《Keep Breathing》銷量報捷，唱片公司金牌大風昨日特別為她舉行祝捷會。Kary以性感露肩短裙上陣，與金牌大風行政總裁陳輝虹齊齊揮錘仔扑碎30,000字樣的冰雕，寓意新碟的銷量衝破三萬。Kary邀得樂隊RubberBand一齊jam新歌，氣氛熱鬧。
問到Kary是否意味跟金牌的續約已經「破冰」傾掂數？她說：「我選擇咗繼續合作，因為一向同公司合作得好好，而且嚟緊有好多計劃，大家有晒共識。（簽幾耐？）總之係足夠嘅時間畀我去出國語碟同開演唱會。」
拒與鄧麗欣爭一姐
提到同門好友鄧麗欣坐正「金牌一姐」寶座，更買貴車示威，Kary對此說：「我冇車，不過想自己買樓。（冇得做一姐喎！）我冇興趣，大家方向都唔一樣，我唔想要呢啲稱號，況且大家係好朋友，唔想去爭。」身旁的陳輝虹笑言：「車會貶值，樓先會升值嘛！」
另外，對於金牌大風跟傅穎的合約糾紛，陳輝虹表示：「呢個問題到呢分鐘仲未可以答住。（會唔會庭外和解？）一切都按正常程序進行，唔方便講咁多。」
文：音樂組