謝霆鋒與張家輝這對舊拍檔最近再結片緣，獲導演林超賢「明醒」每人一場床上戲，不過將再為人父的霆鋒竟表示「未Ready好」，說笑與家輝合演床戲取替，認真搞笑。
霆鋒、家輝、苗圃、鍾舒漫、廖啟智、陸毅及林超賢等昨日齊為英皇新片《綫人》開鏡，白龍王更派出徒弟到場主持拜神儀式，一眾《証人》班底趁機會敍舊，踢拖出現的霆鋒一臉疲態，透露剛從寧波返港，被抱恙的太太栢芝及囝囝傳染，更指懷有兩個多月身孕的太太不時嘔吐，情況比懷Lucas時次數多，雖然還未知ＢＢ性別，但Lucas似知道家中將增添新成員。
保持神秘感
對於導演安排神秘女演員與他上演火辣床上戲，霆鋒謂：「依家仲商量緊，機會都好微，因為我未演過呢的戲，所以唔知點做，我同導演講未Ready好，（驚太太呷醋？）係自己問題，（導演話明益你兩個！）不如我同家輝演，我處女作就畀咗家輝，（咁你個女對手係邊個？）暫時要Keep住神秘感，總之同佢未合作過啦！」
與苗圃再續前緣的家輝，又被安排與另一位女演員發生關係，可謂艷福無邊，問到火辣程度，家輝抵死地謂：「要睇導演讓半球定兩球咁囉！（要唔要同老婆備案？）唔使，工作上我有主權，返到屋企就冇。」
鍾舒漫援交
至於飾演援交女的鍾舒漫，於網上睇新聞了解援交女心態，問到若被要求演床上戲可接受？她謂：「有需要都會努力去嘗試。」導演林超賢對於霆鋒表示未有心理準備拍激烈床戲，他笑謂：「我都未話佢知女主角係邊個，其實係劇情需要，個女仔係台灣演員，有拍過電影，但唔可以透露太多住。」
文：影視組 攝：李廣成