曾志偉昨日出席「2009第五屆福幼慈善大纜盃」活動，期間大讚梅小惠將福幼慈善活動搞到有聲有色，談到無綫「視帝」獎項之爭，他認為黎耀祥、謝天華及有份演《宮心計》、《富貴門》的演員是大熱之選，而問他睇好哪位時，他笑言：「覺得TVB藝員會攞。」祥仔則稱冇諗過做無綫人，如果拿獎要靠物質支持就冇意思。
此外，對於無綫推出《無敵獎門人惡鬥美女廚房》硬撼《亞姐》一事，志偉謂：「只係畀觀眾多個選擇啫！（有冇信心撼贏？）OK啦。（周秀娜又去你個節目又去亞姐？）冇所謂，證明佢受歡迎。」另外，他又表示演藝人協會將於日內開會，落實會否為林蛟籌辦喪禮。
