身為美容代言人的周秀娜，坦言佳麗質素很平均。有指今屆亞姐很多都攝nude bra谷胸，周秀娜說：「用nude bra係依家着衫嘅最新fashion，無可厚非，要用咪一齊用囉，我都有用，咁咪『滿城盡戴缽缽糕』囉！（有佳麗戴兩個。）吓，兩個？咁我唔知。（用嚟谷胸嘛？）谷氣就有，谷胸就冇啦！（你食兩家茶禮喎？）兩個台都有紳士風度，我唔擔心會得失任何一方，我都冇收過投訴，相信佢哋會知我係為工作。」

既做無綫對撼亞姐的節目，又做亞姐頒獎嘉賓，似乎左右逢源，不過當周秀娜出場頒獎時，看來未受重視，除無發言機會外，到問題環節又被司儀挖苦，將她在科大答到口啞啞之情況設定為考佳麗的問題，難得周秀娜在台下看得開懷大笑。