名模琦琦昨日出席由百家寶集團與薈益合辦的「海闊天空‧願望成真2009」，她稱女兒會扮Barbie參加萬聖節派對：「我之前喺日本買咗個粉紅色嘅Barbie假髮，平時返學佢戴唔到，一年只可以扮一次。」她坦言女兒愛看故事書，每天也要與女兒在家扮演故事書中的角色，她笑言：「我扮得最多係動物，又扮老虎，又扮三隻小豬。因為要教佢做好人，所以囡囡扮好人，我就扮到有咁壞得咁壞，真係用心良苦。」當然她丈夫任達華也不能免，她笑言﹕「老公喺出面要做戲，返到屋企都要扮嘢，佢要反串扮媽咪，又要扮小紅帽入面嘅婆婆同大灰狼。」
同場還有楊婉儀一家四口、莫可欣、明嘉福女兒明美連及兒子明肇豐等，樂壇新人余翠芝（Chita）更即場演唱，場面熱鬧。由於徐子淇有份贊助是次活動，因此在大會布景板上掛起印有子淇兩名千金Leanna及Hayley名字的綵帶。