袁詠儀（靚靚）、呂良偉、戚美珍等昨日為劇集《富貴門》宣傳，有指靚靚嫌棄對手馬德鐘「級數低」，貪玩的靚靚抵死地向遠處的馬德鐘高呼：「奀星，過嚟影相！」馬德鐘聞言亦配合她極速跑到，場面惹笑。靚靚原定趁萬聖節與囝囝慕童打扮成牛仔look參加派對，無奈因宣傳而未能成行：「聽日再扮過啦，佢咁細都唔識！反而我今晚就約咗班『扮靚會』成員慶祝，其實生完仔之後想有番自己生活圈子，所以得閒就約啲靚女食飯，總之主題係一定要Sexy & Beauty！」
阿呂對有傳該劇要出動幕後人員出鏡、演員要用私伙上陣等「慳皮」招數，笑指公司只是物盡其用，並透露自掏腰包數十萬買服飾配合角色。
此外，網友發起台慶劇《宮心計》的「最佳金句」投票，令劉三好與李怡種下情根的「苦中一點甜」暫領先，三好的「說好話、做好事、存好心」則排第二。
