「玩具大王」蔡志明前晚偕同太太李惠莉與兒子蔡加讚一同出席於浸會大學舉行的「生命滿希望慈善音樂會」，三人一早到場先與演講者Nick Vujicic會面，身為榮譽贊助的李惠莉與蔡加讚都大讚Nick友善，能帶給正面訊息予世人，李惠莉說：「我哋成家都係教徒，我之前有睇佢嘅DVD，一出世就冇手冇腳，成長好艱辛，細個就畀人取笑。人生有起有落，我唔明依家啲人唔識珍惜，成日怨天怨地，Nick好樂觀面對人生，真係有神迹，好感動。我見到佢真人好喜樂，佢唔需要人可憐，要畀人睇到活得開心，我覺得好有意義。」她還透露與丈夫首次邂逅是禮拜堂，坦言是神的安排。
此外，在旁的蔡加讚表示首次見Nick，感覺好開心：「佢一見到我就叫我同佢擁抱，其實我之前冇睇過佢嘅DVD，但就知佢嘅故事，因媽咪有講畀我聽！」