祥仔坦言工作太忙，未有時間觀看兩套台慶劇，只略略看過《宮心計》，並視陳豪為勁敵。他說：「陳豪演技好特別，不過佢都攞過就唔好嘥，佢已經有獎喺屋企，又阻碇，我屋企好多位，不如讓畀我哋呢啲後輩。」

去年視帝夏雨接受電話訪問，力撐與他同樣非無綫親生仔的祥仔奪今屆視帝，他謂：「今年最突出係祥仔，講實力係佢。佢以前喺無綫演小角色已經好好，離開無綫拍電影又公認好戲，今年仲遇到好角色，應該係佢啦！」夏雨認為《宮心計》以女人戲為主，男人未夠女人突出。他又稱：「我去年都係咁（非無綫親生仔），無綫係大台好公正，未簽係一個因素，但佢機會好大。網民好支持祥仔，無綫會考慮畀獎佢。」