失聲驚到喊

Ella前晚與Soler、韓君婷、傅明憲、袁彩雲及陳加玲等人出席「ESPRIT」活動，對於日前有報道指Ella「龜速」駕車接送男友，Ella即呼冤：「我係因為發現到有狗仔隊跟我，嗰刻好驚，所以揸得好慢啫！」助手亦插嘴：「50公里嘅車速好正常吖！」而前日下午Ella被爆接受電視台訪問期間突然灑淚，事後她解釋：「我做做吓電視台訪問無端端講唔出聲，情急之下就喊咗出嚟，之後返咗屋企休息咗一陣就好啲！」

韓君婷亦有抽空出席。

Dino（左）下月中做老襯，靠Julio幫拖應付玩新郎環節。

靠Julio頂住

另外，Soler細孖Dino下月中與圈外女友拉埋天窗，Dino坦言緊張心情已變為刺激，又言因有大孖Julio幫拖，故不擔心玩新郎環節，至於Julio被問到有否心郁郁恨結婚？他表示：「我可能會神秘結婚，不會太高調！」Julio更自爆曾擔任好友兄弟團，被迫穿上大笨象T-Back周街走，他笑言：「可能啲人分唔清真定假！」此外，兩兄弟昨日出席另一活動，Dino稱畫家女友沒有藝術家脾氣，結婚也不怕歌迷失望，因歌迷早知他有女友。

文：音樂組