傅穎轉新公司後，揚言會盡量滿足男fans的要求，以不同造型亮相，小方聞後暗寸她響應萬聖節（西洋鬼節）。現場見傅穎鼻頭有一小條橫痕，她自嘲身上多缺陷，但不會去整容。
傅穎、鈴木仁、王友良、樁隆之等昨日出席「關懷愛滋愛心大行動之蘭桂坊嘉年華2009」活動，她表示身為公眾人物，要多以行動參與慈善，被問到做慈善沒有酬勞，她說：「咁都可以接啲有酬勞嘅job。」
唔認整容
現場所見，傅穎鼻頭上有一小條橫痕，她說：「係呀，我好細個時已開始捽鼻，大個就有呢條痕，入行時已有，係大家睇唔到。（驚唔驚被人話你整容？）整到咁，唔整好過，可能今日早上影相，個妝化得太耐有啲溶，所以條痕明顯咗。（會否醫學美容整咗佢？）唔使，我本身太多缺陷，仲有嚴重大小面。」
想扮中性
對於有指傅穎願意嘗試大露背或其他造型，傅穎說：「係呀，好多男fans都鍾意我中間分界嘅長頭髮造型，我會順應民意，不過嚟緊會想試中性打扮。」
另一邊廂，方力申對傅穎轉新形象，他句句有骨暗寸：「新形象？係咪萬聖節呀？佢形象好百變，不過我冇留意佢嘅新聞，佢啲Job唔係佢家姐幫佢接咩？（佢簽咗新公司？）我唔知喎。（你只知Stephy嘅嘢？）係呀，佢有一半嘅工作同我有關。」
文：名人組