與德籍建築師男友Ole Scheeren 愛得癡纏的張曼玉，昨日撇下男友，到台北出席Qeelin珠寶品牌Yu Yi系列首次亞洲發布會，身體力行支持好友陳瑞麟及前男友Guillaume Brochard。戴上品牌Yu Yi系列，價值二十六萬八千港元手錶的曼玉心情大靚，與前男友有講有笑，對記者問題更是有問必答。

張曼玉被大批記者採訪。	曼玉與前男友Guillaume Brochard（左）及品牌高層陳瑞麟一起現身。	曼玉為品牌影最新一輯的造型照。

曾考慮整容

曼玉被讚保養得十分好時，問到是否因有愛情滋潤？她說：「我唔覺得談戀愛係一種保養方法，不過會開心，開心就一定好看，所以同戀愛有關。」對於現在整容十分流行，現已四十五歲的她坦言曾為此掙扎過：「其實每個女人都會掙扎，因為依家真係好普遍。依家唔覺係整容，只係打針，真係好易，都會諗老咗會唔會整。」

問到會否結婚，曼玉坦言：「已結過，冇諗再結多一次，通常想結婚都係啲未結過嘅女仔，可能每個女仔夢想都想結一次，如果有一日我覺得要做先會做，不過唔係依家。」

問男友Ole有沒有求婚？她說：「冇，大家都明大家諗法，佢知我想點，依家大家感情好穩定！」

或領養小孩

曼玉表示若然結婚一定會公開：「我上次結婚都係自己踢爆自己，我唔想畀人揭穿，畀人亂寫！」曼玉覺得很多藝人為了隱瞞自己婚事而講大話十分可憐，覺得他們是為了保護家人才有這個苦衷！

談到生兒育女問題，向來喜歡小朋友的曼玉已作出決定：「唔會喇，不過可能會領養，我一直都好鍾意小朋友，不過生小朋友計劃同想做嘅嘢夾唔到！」