被指再度有喜的張栢芝，自傳出懷有三個月龍鳳胎後，一直未有現身，昨日穿上黑色鬆身衫出現君悅酒店，甫落車，栢芝刻意拿着囝囝的背囊遮肚，然後小心翼翼拖着Lucas，會合老公謝霆鋒歎日本菜慶祝。
栢芝自07年誕下Lucas後即淡出幕前，專心湊仔，兩年間亦多次傳出栢芝再度有喜，但最後都是「食詐胡」，最近再傳出栢芝懷有三個月龍鳳胎，可能霆鋒怕BB小器，日前仍否認太太有孕，至前日始改口風默認，指太太身體的確有變化，現時未講得，肯定就會講，又說老婆目標是生夠五個！
拖Lucas龜速行
一直深居簡出的栢芝，昨晚七時半帶同囝囝Lucas乘的士前往灣仔君悅酒店，戴黑帽、穿黑色鬆身上衣、腳踏紅色Converse波鞋的栢芝，竟一改抱仔習慣，落車後即拿着Lucas的背囊遮肚，記者上前問她是否懷有龍鳳胎？臉頰明顯比早前圓潤腫脹了的栢芝，只小心翼翼拖着Lucas慢慢步入酒店，代客泊車員見狀亦上前協助，傍住栢芝母子行樓梯上一樓的「鹿悅」日本餐廳。
霆鋒吔日菜慶祝
十五分鐘後，霆鋒與好友伍允龍乘七人車抵達，愛子心切的霆鋒，戴着印有囝囝名字Lucas字樣的cap帽，問他栢芝是否懷有三個月龍鳳胎？霆鋒只笑笑沒有回應，再問到是否專程慶祝栢芝有喜？他即揚手說：「唔係，約咗朋友食飯啫。」霆鋒全程笑笑口，難掩再做老竇的喜悅。其後他步入酒店，竟然開心得行錯方向，闖進別人擺婚宴的宴會廳，未幾他才往日本餐廳會合太太。
文、攝：追蹤組