《美女廚房》捧出不少「美味天使」和「美少女廚神」，為一眾想入行的少女造就不少機會，同時亦釀出不少是非，最新消息「豆沙包」梁懿晴（晴晴）踢爆監製錢國偉不時借故向天使「揩油」，同時逼一眾靚女去飯局陪老闆，她更因不肯服從被飛出局，早前拉大隊到泰國拍攝已不見豆沙包蹤影，同時更爆出錢國偉勁冧春卷王宝宝。

錢國偉莫非為不快事件抓晒頭？	豆沙包（左）被指做節目時偷懶愛睡覺。	王宝宝（右）被指深得錢國偉歡心。

跳舞成日錯

對於豆沙包指控，錢國偉昨日出席《無敵獎門人惡鬥美女廚房之嘩鬼美女無敵哈囉喂》，主動問方力申：「知唔知我點解唔用豆沙包？」方力申接口說：「佢做得唔好囉，唔夠勤力。」錢國偉即一輪嘴說：「佢入到廠就瞓覺，其實自己唔應該回應，講得多佢就得逞，幕前幕後都知我點解唔用佢，公司無照肺，只係叫我小心女仔，（係咪唔好近女色？）唔係，我嘅機緣係接觸女仔，要上位都冇計。（豆沙包好懶？）大家可以睇番帶，集集跳舞都錯。」至於問到和春卷傳緋聞，錢國偉說：「唔係，春卷個人幾開心幾開朗，佢唔係同李思捷咩？」

一眾靚女昨日出席活動打扮充滿萬聖節氣氛。

劉俐（左）和陳蕊蕊齊起舞。

錢國偉坦言不會因今次是非減少組織飯局，並愈講愈慶，力數豆沙包不是：「腸粉都無去飯局，又唔見我飛佢？因為佢態度好，豆沙包又話唔應酬，宣傳又唔願做，仲叫我唔好畀嘢佢做，叫佢宣傳仲話叫第二個去。我講得多咪幫咗佢，好彩公司明白，唔係炒魷魚。」

經理人：空穴來風

豆沙包與錢國偉隔空對罵，豆沙包經理人余先生說：「晴晴啱啱都改咗名叫梁梓悠，佢有心喺呢個圈發展，佢好多謝有機會參加咁大型節目，今次都係細路女不吐不快，不過空穴來風未必無因，公司一定撐個藝人，但佢有不足嘅地方，例如懶呀，跳舞跳得唔好都會自己加以改進。（咁係咪因為唔去應酬而被飛？）呢樣嘢我唔想再講。」　

文：影視組

Profile

姓名：梁懿晴（豆沙包）

身高：172cm

三圍：34E-24-34

入行經過：被選為《美女廚房２》的豆沙包，受到不少網民注意。

是非：參加《大咕窿》時，因不諳水性哭訴無綫要求她簽生死狀。